Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow BAE-niň Prezidentiniň aradan çykmagy zerarly geçirilen hatyra çärelerine gatnaşdy.
Gahryman Arkadagymyz BAE-niň merhum Prezidenti Şeýh Halifa bin Zaýed Al Nahaýýanyň ýagşylyklarynyň, haýyr işleriniň hiç wagt unudylmajakdygyny nygtady. Hajy Arkadagymyz Abu-Dabiniň Mirasdüşer Şazadasyna ýüzlenip, razylyk berlen ýagdaýynda, merhumyň Aşgabatda gurduran metjidinde geljek annada onuň belli gününi bellemekçidigini aýtdy. Gahryman Arkadagymyz BAE-niň halkyna agzybirlik, merhumyň maşgala agzalaryna, dogan-garyndaşlaryna bolsa ruhy durnuklylyk, sabyr-kanagatlylyk dileg edip, medet beriji sözlerini beýan etdi.
«TürkmenGazet».
