29-njy aprelde paýtagtymyzdaky Jemgyýetçilik saglygy we iýmit merkezinde şu ýylyň 24 — 30-njy aprelinde bellenilýän Ýewropa immunizasiýa hepdeligi mynasybetli maslahat geçirildi. Bu barada «Türkmenistan» gazeti habar berýär.
Türkmenistanda hereket edýän halkara guramalaryň wekilleriniň gatnaşmagynda guralan çärede immunizasiýa ulgamynda gazanylanlar hem-de bu ugurda alnyp barylýan işlere sanly tehnologiýalaryň mümkinçiliklerini ornaşdyrmak bilen bagly çykyşlara orun berildi. Maslahat Bütindünýä Saglygy Goraýyş Guramasynyň Ýewropa Bileleşiginiň maliýeleşdirmeginde durmuşa geçirýän COVID-19 ýokanjy sebäpli dörän ýagdaýa garşy göreşmek çäreleri boýunça Merkezi Aziýa ýurtlary üçin taslamasynyň çäklerinde geçirildi.
