Türkmenistanyň wekiliýeti Halkara futbol federasiýasynyň (HFF) 31-nji martda Dohada (Katar) geçirilýän kongresine ganaşar. Bu barada Türkmenistanyň Futbol federasiýasynda (TFF) aýdyldy.
Wekiliýetiň düzüminde TFF-niň baş kätibi Annabaýram Durdymammedow we bu edaranyň hünärmeni Resul Mämmedow bar.
FIFA-nyň kongresi dünýä çempionaty (DÇ) geçirilýän ýylda bir gezek ýygnanýar. Kongres ýaryş geçirilýän ýurtda guralýar.
DÇ-2022-niň bije çekişligi 1-nji aprelde Dohada bolup geçer, oňa Türkmenistanyň wekiliýeti hem gatnaşar.
2022-nji ýylda Katarda geçirilýän futbol boýunça dünýä çempionatynyň jemleýji ýaryşlary 21-nji noýabrdan 19-njy dekabra çenli aralykda geçer. Tertibe laýyklykda, 32 ýygyndy hersinde dört topara bolmak bilen, sekize bölüner. Topardan iň gowy iki topara 1/8 finala çykar. Mundan soň ýaryşlar «playoof» diýen adaty düzgün boýunça dowam eder.
«TürkmenGazet».
