Türkmenistanyň Agrar Partiýasynyň nobatdan daşary IV gurultaýy geçirildi. Onda 12-nji martda möhletinden öň geçiriljek Türkmenistanyň Prezident saýlawlaryna Türkmenistanyň Agrar Partiýasyndan Mary welaýatynyň häkiminiň orunbasary Agajan Bekmyradow Türkmenistanyň Prezidentligine dalaşgärlige hödürlenildi.
Gysgaça tanyşdyrsak, Agajan Bekmyradow 1995-nji ýylda Türkmen döwlet binagärlik-gurluşyk institutyny tamamlap, inžener-gurluşykçy hünärini ele aldy. Ol dürli ýyllarda Mary welaýatynyň etraplarynyň häkimliklerinde, Türkmenistanyň Magtymguly adyndaky Ýaşlar guramasynyň Wekilbazar etrap mejlisinde, bu etrabyň Kärdeşler arkalaşyklarynyň birleşmesinde işledi. 2017-nji ýylyň aprel aýyndan bäri A.Bekmyradow Mary welaýatynyň häkiminiň orunbasary wezipesinde işleýär.
«TürkmenGazet».
