Mähriban okyjylar! Size aprel aýynyň 16-syna dünýä inen meşhur zenanlar baradaky maglumatlary hödürleýäris.
Cina Carano (39 ýaşady) – amerikan aktrisasy, telegepleşikleri alypbaryjy, model we ozalky garyşyk göreş sungatçy. 2006-2009-njy ýyllar aralygynda ol EliteXC we Strikeforce ýaryşlaryna gatnaşyp, 7-1 rekorduny goýmagy başarýar. Onuň beýle uly meşhurlygy “Zenan MMA-nyň ýüzi” diýen ada eýe bolmagyna getirýär.
Selena – amerikan aýdymçysy, kompozitor, telekeçi, model, aktrisa we fason dezaýneri. Oňa “Tedžano aýdymynyň şazeneny” diýýärler. Saza we moda goşan goşandy bolsa, ony XX asyryň iň meşhur meksikano-amerikan artistleriniň biri bolmagyna sebäp boldy.
Elaiza Ikeda (25 ýaşady) – filippino-ýapon aktrisasy we fotomodel. 2009-njy ýylda “Grand Priz Nicola Model Audition 2009” bäsleşiginde ýeňiji bolanyndan soň, Elaiza modellik kärine başlady.
Shu Qi (45 ýaşady) – taýwan-gong-kong aktrisasy we model. 2014-nji ýyla çenli ol Taýwanyň iň köp tölenýän aktrisalarynyň biridi.
Fuka Koshiba (24 ýaşady) – ýapon aktrisasy. Ol zähmet ýoluny “Oscar Promotion” talant agentliginde başlady.
Misato Ugaki (30 ýaşady) – Tokionyň göni ýaýlym berýän telewideniýesiniň alypbaryjysy.
Mähriban Hudaýgulyýewa,
Türkmenistanyň Daşary işler ministrliginiň Halkara gatnaşyklary institutynyň talyby.
